தடங்கள்

செப்ரெம்பர் 15, 2013

Filed under: Uncategorized — bashakavithaigal @ 10:43 பிப

இன்றைய படம்:Le Premier Homm(The First man)
மொழி: French
இயக்கம்: Gianni Amelio

Le Premier Homme என்ற Albert Camus-ன் முடிக்கப்படாத(அப்படியும் சொல்ல முடியாது ) சுயசரிதையை அடிப்படையாக கொண்டு எடுக்கப்பட்ட படம். பிரெஞ்சு அல்ஜிரியாவை கைப்பற்றியதன் பிண்ணனியில் தன் மக்களை அங்கு குடியமர்த்தியிருந்தது அவர்களும் அல்ஜிரிய ட்ரைபல் குழுக்களுடன் ஒன்றாக வாழ்ந்திருந்தார்கள் அவர்கள் யாவரும் pied-noir என்று அழைக்கப்பட்டார்கள் நம்ம ஊரில் ஆரியர்கள் வந்தேறிகள் என்று சொல்வது போல் அங்கு அதற்கும் முன்னதாக இருக்கும் அல்ஜிரிய மக்களுக்கு இந்த வந்தேறிகள் மேல் ஒரு வெறுப்பு.அப்படி ஒரு pied-noir குடும்பத்தில் பிறந்தவன் கோர்மேரி . பிறப்பால் அல்ஜிரியரான கோர்மேரி தந்தையற்று ஏழை கூலி தொழிலாளிகளான அம்மா மாமா பாட்டியுடன் வறுமையின் பிடியில் வாழ்ந்து வருகிறான். கல்வி அவன் உயர்வுக்கு திறவுகோலாக அமைய பெரிய எழுத்தாளனாக சமூகத்தில் பலரும் அறியும் மனிதனாக பிரான்சில் உயர்ந்து தாயை காண அல்ஜிரியாவுக்கு வருகிறான். அவனை அல்ஜிரியர்கள் வெறுக்கிறார்கள். சிறு வயதில் வந்தேறியாக தன்னை வெறுத்த தன் நண்பனின் மகனின் மரண தண்டனைக்கு எதிராக தன் செல்வாக்கை பயன்படுத்த முனைகிறான். அவன் தாய் நாட்டை அவ்வளவு நேசிக்கிறான் அந் நாடு அவனை வந்தேறியாக காண மட்டுமே முயல்கிறது. கதையில் கோர்மேரிக்கும் அவன் தாயுக்கும் நடக்கும் உரையாடலும் கதை நெடுக ஒலிக்கும் பிண்ணணி இசையும் மனதை பிழிகிறது.

கதையின் ஆசிரியர் Albert Camus இலக்கியத்திற்கான நோபல் பரிசு பெற்றவர் சார்த்தர் Existenitalism என்ற காலத்தில் இவர் Absurdism என்பதை வளர்த்தெடுத்தவர். முடிக்கப்படாத சுயசரிதை என்று சொல்ல முடியாது என்று சொன்னேனல்லவா இவர் இதை முடிக்கு முன்பே ஒரு கார் பயணத்தில் மரணமடைந்து விட்டார்

 

Filed under: Uncategorized — bashakavithaigal @ 10:43 பிப

இன்றைய படம்: Rape For Profit

“Prostitution is not the oldest profession but it is a oldest oppression of women”

டாக்குமெண்ட்ரி படமான இது அமெரிக்காவில் பாலியியல் தொழிலாளிகளை குறிப்பாக மைனர் பெண்களை பற்றி பேசுகிறது. எல்லா தொழிலாளிகளின் வாழ்க்கையும் ஒரு/சில பாலியல் வல்லுறவுக்கு பிறகு இந்த தொழிலாகவே மாறிவிட்டிருக்கிறது.அதுவும் பெரும்பாலான பிள்ளைகள் பெற்றோர்களாலேயே இதில் கொண்டுவிடப்பட்டிருக்கிறார்கள் என்பது அமெரிக்கா பணக்கார டாலர் தேசம் என்று நம்பிகொண்டிருக்கிறவர்களுக்கு மாபெரும் அதிர்வை கொடுக்கும்.

14 வயதில் வல்லுறவுக்கு விடப்பட்ட ஒரு பெண்: ஒரு முதியவர்,வக்கீல்,போலீஸ், நீதிபதி ,ஒரு பாதிரியார் என வரிசையாய் வந்தார்கள். கடவுளுக்கு நன்றி இந்த 14 வயது பெண்ணை கொடுத்ததுக்கு என அந்த பாதிரியார் என்னை புணர்ந்தார்

இந்த தொழிலில் நான் 3 முறை கர்ப்பமுற்றேன்.எனது வயத்தில் இருப்பது வெறும் சதை குவியல் அதை எடுத்துவிட வேண்டும் என சொல்லப்பட்டு எனது 20வது வயதில் கருகலைப்புக்கு அழைத்து செல்லப்பட்டேன்.அழியபோகும் அந்த குழந்தைக்காய் ஒரு பாட்டு பாடினேன்.அந்த குழந்தையுடன் சேர்ந்து நானும் இறந்துவிடவே விரும்பினேன்.

அசிங்கமாயிருப்பது பாதுகாப்பானது என்னை வல்லுறவுக்கு யாரும் உட்படுத்த முடியாதல்லவா

என் வயதையொத்தவர்கள் அவர்கள் எந்த மாதிரியில் பள்ளி/கல்லூரியில் படித்தார்கள்,யாரை காதலித்தார்கள் என சொல்லிகொண்டிக்கும்போது எனக்கு சொல்ல என்ன இருக்கிறது.

நான் காதலிக்கவில்லை
எனக்கு திருமணமாகவில்லை
என் பிள்ளைகள் இறந்துவிட்டார்கள்
I am so strange
I am so strange to everybody

 

Filed under: Uncategorized — bashakavithaigal @ 10:35 பிப

இன்றைய படம் : NACHTZUG NACH LISSABON(Night train to Lisbon)

“We leave something of ourselves behind when we leave a place we stay there even though we go away”

Pascal Mercier எழுதிய NACHTZUG NACH LISSABON என்ற ஜெர்மானிய நாவலை தழுவி எடுக்கப்பட்ட படம். யாருமற்று தனியாக வாழும் ஆசிரியர் ரேமுண்ட் பள்ளி செல்லும் வழியில் தற்கொலைக்கு முயன்ற ஒரு பெண்ணை காப்பாற்றி அழைத்து செல்கிறார். பின் அவரிடம் சொல்லாது அப்பெண் கிளம்பி விட அவளின் கோட்டை ஆராயும் ரேமுண்ட் உள்ளே குறிப்புகள் தொகுக்கப்பட்ட உள்ளங்கை அளவே உள்ள ஒரு புத்தகத்தையும் அதனுள் இருந்த லிஸ்பன் செல்லும் ஒரு பயண சீட்டையும் பார்த்து அந்த பெண்ணிடம் சேர்ப்பிக்கும் பொருட்டு இரயில்வே நிலையம் செல்கிறார்.

“If it is so that we live only a small part of life which is within us what happens to the rest?”

இரயில் நிலையத்தில் தேடி அவள் கிடைக்காது ஏற்கனவே புத்தகத்தின் ஆரம்ப வரிகள் தந்த சுவாரஸ்யத்தில் லிஸ்பன் செல்லும் வண்டியில் அந்த புத்தகத்தின் ஆசிரியரை தேடி ஏறி விடுகிறார். அதன் பின் ஒரு பயணம் அவருக்கு தொடங்குகிறது அகவயமாக.

“The fear of death must be described as the fear of not being able to become whom one planned to be”

அந்த குறிப்புகளில் இருக்கும் கதாபாத்திரங்கள் லிஸ்பனில் வாழ்ந்து வருகின்றனர் . அந்த குறிப்புகள் அடங்கிய புத்தகம் நிறைய கேள்விகளை ரேமுண்டிடம் எழுப்ப துவங்குகிறது. குறிப்புகளின் ஆசிரியரை தேடி அவர் அவர் வீடு செல்கிறார். அதிர்ச்சியூட்டும் விதத்தில் அறிமுகமாகிறார் அதன் ஆசிரியர்!?

“when dictatorship is a fact ,revolution is the duty”

குறிப்புகளில் இருக்கும் பாத்திரங்களை தேடி அவர்கள் இருப்பிடம் செல்லும் ரேமுண்ட் அந்த பாத்திரங்கள் விட்டு சென்ற இடைவெளியை நிரப்புகிறார்.

ஒரு மனிதன் இறந்த பின்பும் வாழ்ந்துகொண்டிருப்பதை தத்துவ அலசல்களுடன் சொல்கிறது இந்த படம்.

The Real director of Life is accident

 

செப்ரெம்பர் 8, 2013

Filed under: Uncategorized — bashakavithaigal @ 11:44 பிப

இன்றைய படம்:Le Premier Homm(The First man)
மொழி: French
இயக்கம்: Gianni Amelio

Le Premier Homme என்ற Albert Camus-ன் முடிக்கப்படாத(அப்படியும் சொல்ல முடியாது ) சுயசரிதையை அடிப்படையாக கொண்டு எடுக்கப்பட்ட படம். பிரெஞ்சு அல்ஜிரியாவை கைப்பற்றியதன் பிண்ணனியில் தன் மக்களை அங்கு குடியமர்த்தியிருந்தது அவர்களும் அல்ஜிரிய ட்ரைபல் குழுக்களுடன் ஒன்றாக வாழ்ந்திருந்தார்கள் அவர்கள் யாவரும் pied-noir என்று அழைக்கப்பட்டார்கள் நம்ம ஊரில் ஆரியர்கள் வந்தேறிகள் என்று சொல்வது போல் அங்கு அதற்கும் முன்னதாக இருக்கும் அல்ஜிரிய மக்களுக்கு இந்த வந்தேறிகள் மேல் ஒரு வெறுப்பு.அப்படி ஒரு pied-noir குடும்பத்தில் பிறந்தவன் கோர்மேரி . பிறப்பால் அல்ஜிரியரான கோர்மேரி தந்தையற்று ஏழை கூலி தொழிலாளிகளான அம்மா மாமா பாட்டியுடன் வறுமையின் பிடியில் வாழ்ந்து வருகிறான். கல்வி அவன் உயர்வுக்கு திறவுகோலாக அமைய பெரிய எழுத்தாளனாக சமூகத்தில் பலரும் அறியும் மனிதனாக பிரான்சில் உயர்ந்து தாயை காண அல்ஜிரியாவுக்கு வருகிறான். அவனை அல்ஜிரியர்கள் வெறுக்கிறார்கள். சிறு வயதில் வந்தேறியாக தன்னை வெறுத்த தன் நண்பனின் மகனின் மரண தண்டனைக்கு எதிராக தன் செல்வாக்கை பயன்படுத்த முனைகிறான். அவன் தாய் நாட்டை அவ்வளவு நேசிக்கிறான் அந் நாடு அவனை வந்தேறியாக காண மட்டுமே முயல்கிறது. கதையில் கோர்மேரிக்கும் அவன் தாயுக்கும் நடக்கும் உரையாடலும் கதை நெடுக ஒலிக்கும் பிண்ணணி இசையும் மனதை பிழிகிறது.

கதையின் ஆசிரியர் Albert Camus இலக்கியத்திற்கான நோபல் பரிசு பெற்றவர் சார்த்தர் Existenitalism என்ற காலத்தில் இவர் Absurdism என்பதை வளர்த்தெடுத்தவர். முடிக்கப்படாத சுயசரிதை என்று சொல்ல முடியாது என்று சொன்னேனல்லவா இவர் இதை முடிக்கு முன்பே ஒரு கார் பயணத்தில் மரணமடைந்து விட்டார்